Zvicra e ka nisur shkëlqyeshëm aventurën në Ligën e Kombeve.
“Helvetët” fituan me rezultatin 6-0 duke shkatërruar në këtë mënyrë Islandën, ndërsa në këtë duel shënuan 3 shqiptarë.
Llogarinë e golave e hapi Steven Zuber me golin e shënuar në minutën e 13’ pas një asisti të Rodriguez.
Vetëm 10 minuta më vonë ishte Denis Zakaria, i cili dyfishoi avantazhin ndaj një Islande inekzistente.
Pjesa e dytë solli supergolin e Xherdan Shaqiri që nga një gjuajtje e lirë realizoi golin e tretë për Zvicrën.
Minuta e 67’ solli golin e katërt dhe të parin për Haris Seferovic.
Ishte Albian Ajeti që pas 6 minutash lojë (71’), shënoi golin e parë në fanellën e Zvicrës për të shënuar edhe golin e 5 për vendasit që bëjnë “ligjin”.
Llogaria u mbyll nga Admir Mehmedi në minutën e 82’, për fitoren e thellë 6-0 në favor të Zvicrës.
