Reperi Post Malone përfshihet edhe në një telash të radhës.
Posty e ka nxjerrë nga rruga veturën e tij të shtrenjtë ‘Rolls Royce’ në një aksident herët në mëngjes, vetëm pak javë pas eksperiencës së tmerrshme në një aeroplan privat, i cili nuk mundej të ulet për shkak të një defekti.
Policia e Beverly Hills i është përgjigjur një aksidenti rrugor rreth orës 02:42 të mëngjesit.
Vetura ‘Rolls Royce’ është në emër të Post Malone, por ishte asistenti i tij ai, që ishte në timon në kohën e aksidentit.
Reportet tregojnë se nuk ka pasur të lënduar dhe askush nuk ka qenë në ndikim të alkoolit.
Artisti 23 vjeçar pas kësaj ngjarje ka shkruar në profilin e tij në rrjetin social Twitter: “Zoti me siguri se më urren mua”.
