Krimet e Rënda kanë thirrur rektorin e ri të Universitetit të Tiranës, Mynyr Koni për t`u marrë në pyetje për Emiljano Shullazin.
Sot pritet të jepet deklarata e Konit për të ndihmuar hetimet. Rektori dyshohet se është kërcënuar nga Shullazi gjatë garës në universitete, që të tërhiqej nga ajo. Dyshohet se Koni është kërcënuar nga njerëz të afërm të Shullazit më 15 prill. Gjithçka ka ndodhur në rrugën “Fortuzi” ku një automjet i është afruar Konit dhe e ka marrë me dhunë brenda.
Nga pamjet filmike nuk shihet se Shullazi ka qenë prezent, por po verifikohen personat që e goditën Konin dhe e morën në dhunë në automjet.
