Një artiste ka përfunduar në pranga pasi u paraqit lakuriq në një vend pelegrinazhi katolik në Lourdes të Francës.
Deborah de Robertis, e njohur për shfaqjet e saj provokuese në të gjithë vendin, doli para statujës së famshme duke mbajtur vetëm një copë ngjyrë blu në kokën e saj në pikën e pelegrinazhit, Sanctuary of Our Lady of Lourdes, në rajonin Occitanie.
34-vjeçarja qëndroi para statujës duke i mbajtur duart në një pozitë lutjeje, ndërsa vizitorët e tronditur kalonin dhe e shikonin të shtangur.
Një besimtar i tronditur madje provoi edhe ta mbulonte gruan me një vello, ndërkohë që policia u thirr menjëherë në vendin e ngjarjes dhe e arrestoi.
Prokurori i Tarbes Pierre Aurignac u shpreh: “Policia u thirr nga njerëzit në vend, e arrestuam dhe qëndroi në paraburgim për disa orë”.
Kjo nuk është hera e parë që artistja del nudo në vende të mbipopulluara. Vendi i fundit ku ajo u paraqit e zhveshur ishte muzeu Louvre në Francë, ku ajo pozoi me këmbë të hapura para pikturës së famshme të Da Vinçit, Mona Lisa.
