Prezantueses së BBC i mbeten edhe pak ditë jetë, përgatit dhurata ditëlindjesh deri në moshën 21 vjeç për djalin 3-vjeçar
Prezantuesja e lajmeve në BBC 5 Live, Rachael Bland, e cila vuan nga kanceri në gji dhe është në ditët e fundit të jetës, ka zbuluar planin e dhuratave të ditëlindjeve për të birin trevjeçar, deri sa ai të mbushë 21 vjeç. Nëna e dy fëmijëve, 40 vjeç, ka përgatitur 18 pako dhuratash për të voglin Freddie, por mund të mos arrijë të përfundojë një libër që po e shkruan enkas për të.
Ajo ka përgatitur edhe një koleksion me shënime të shkruara me dorë, parfume e sende të tjera personale, në mënyrë që i vogli ta dijë se si shkruante e ëma, të kujtojë aromën apo zërin e saj kur ajo të mos jetë më.
Për të mos trishtuar më tepër të shoqin, Steve, Rachael ka krijuar një grup në ËhatsApp me motrën e tij, duke detajuar dëshirat që ka për të birin teksa ai do të rritet, përfshirë edhe prerjen e flokëve jo shumë shkurt apo ndihmën për zgjedhjen e shkollës.
Ajo bëri të ditur në Tëitter se i kanë mbetur edhe vetëm pak ditë, duke marrë mijëra përgjigje nga njerëz që e lëvdojnë për dinjitetin dhe kurajën përballë sëmundjes fatale.
