Trajneri i Tiranës, në intervistën për Supersport pas humbjes 3-1 me Kukësin, deklaroi:
Keni kërkuar kohë, pas javës së tretë do shihni Tiranën, kjo është një humbje e rendë?
Kemi luajtur si pula, kemi pësuar tre gola nga një skuadër që nuk mund të pësojë tre gola si ne, në goditje këndi, as fëmijët 8-vjeçarë nuk e pësojnë, nga një goditje këndi mbetëm të ndalur, e pësuam edhe vjet me Kukësin njëlloj. Është një humbje që ka ardhur me gola shumë të rëndë. Kam premtuar që pas javës së trejtë do ta shihni tiranën e vërtetë. Nuk ka kohë më kohë për justifikime. Zgjedhje do t’i bëjë unë për sa i përket ndeshjeve.
Kush i ka bërë zgjedhjet deri tani?
Është një mënyrë e të thënurit, deri tani kanë luajtur të gjithë lojtarët dhe nuk ka më justifikime. I kemi njohur dhe të gjitha skuadrat. Përfundon periudha e justifikimeve, nuk ka më kohë.
Humbja e sotme ishte për meritë të kundërshtarit apo për gabime në mbrojtje të Tiranës?
Nëse skuadër fiton 3-1 atëherë do të thotë që është superior. Ne e kemi ndihmuar me gabimet tona. Kukësi është më lart se Tirana që nuk duket akoma për superioren. Kemi ndeshjen e Kupës për tu rikthyer, do përmirësohemi.
Deri tani nuk kanë luajtur ata që e meritojnë?
Nuk mund të gjykoj lojtarët pa luajtur. Deri tani kanë luajtur të gjithë. Nga tani e tutje do të luajnë të gjithë lojtarët që e meritojnë.
Cila vendosje ishte më e mirë, e pjesës së parë, apo e pjesës së dytë?
Ne kemi luajtur me 4-3-3. Kemi luajtur me 4-3-2-1 për shkak të ndryshimeve në merkato. Edhe në pjesën e dytë, kemi bërë gabime të rëndë. Do të shikojmë kur të vijë Oduamadi dhe më pas do të vendosim për skemën e përshtatshme.
3 ndeshje 3 formacione të ndryshme, je i qartë me çfarë do të vazhdosh?
Sigurisht që tani kam idetë e qartë. Ju e dini filozofinë time të lojës. Kemi përdorur të gjithë lojtarët. Gjërat i kam të qarta për momentin, ndërkohë që do të vendos, për formacionin bazë?
Si ndiheni që golin e parë për Tiranën e shënon një 17-vjeçar?
Kam folur edhe me bashkëpunëtorët e mi. Më ka bërë përshtypje ky fakt. Ne na duhen lojtarë të tillë që kanë dëshirë për të luajtur. Dhe atë më ekspertët që kërkojnë të japin maksimumin.
Çfarë duhet të bëjë klubi me ju, në qoftë se skuadra vazhdon me të njëjtin ritëm?
Duhet të shkarkojnë trajnerin. Nuk mund të largosh 25 lojtarë. Nuk ka justifikime. Duhet të gjej mënyrën për të kthyer situatën në favorin tonë.
A mos po i humbisni lojtarët kryesore më këtë mënyrë trajtimi?
Nuk është një situatë problematike. Nuk jemi skuadër që varemi nga Doka apo dhe kapiteni. Dokën e kam lënë jashtë për arsye teknike taktike. Brenda dhomave të zhveshjes nuk kam ndonjë interes për lojtar specifik.
