Ndërsa hetimet për sulmet terroriste në Paris vazhdojnë, Salah Abdeslam, i akuzuar për përfshirje në sulmet e Parisit, është ekstraduar sot nga autoritetet belge tek ato franceze.
Një zëvendës i zyrës së prokurorisë federale belge njoftoi për transferimin të mërkurën, duke thënë se kjo vjen pas përndjekjeve për masakrat e kryera nga militantet e ISIS-it më 13 nëntor.
Ai tha se urdhër-arresti evropian i lëshuar nga Franca, është ekzekutuar, duke shtuar se asnjë informatë shtesë nuk do të jepet për kohën e saktë apo për rrethanat e transferimit të tij.
Abdeslam, besohet të jetë i vetmi i mbijetuar nga terroristët e ISIS nga masakra që vrau 130 njerëz, i cili tha për policinë belge se nuk kishte mundur ta hedhë veten në erë gjatë sulmeve.
Ai akuzohet se ka marrë pjesë në sulmet vrasëse në Paris dhe për tentativë vrasje në zyren policore gjatë të shtënave me armë në Bruksel.
