Figura e babait ndikon në masë të madhe tek tipi i mashkullit që shpesh, vajzat përpiqen të kenë në krah kur rriten.
Një baba i pranishëm, i dashur dhe i respektueshëm është e para “dashuria” e çdo femre, e cila me siguri do të kërkojë t’i gjejë këto cilësi tek një partner, me të cilin do të kalojë jetën.
Në anën tjetër, në qoftë se marrëdhënia me prindin ka qenë e stuhishme, shpesh vajzat në mënyrë të pandërgjegjshme do të zgjedhin partnerë armiqësorë dhe jo shumë të ndjeshëm.
Megjithatë, figura e babait ndikon në zgjedhjen e partnerit të jetës. Çka e shkakton këtë?
Sipas një artikull të kohëve të fundit në “The Telegraph”, një baba që ka përforcuar vetëbesimin e vajzës së tij, duke e trajtuar atë me respekt dhe butësi, e bija kur të rritet nuk do të bëhet një grua që kërkon me çdo kusht aprovimin e meshkujve.
Ndërsa, në qoftë se raporti ishte konfrontues, Dr. Linda Nielsen – psikologe në Wake Forest University në Karolinën e Veriut – thotë: “Kur gratë nuk rriten me vlerësim dhe dashuri nga etërit e tyre, ata bëhen të uritura për dashuri. Dhe në përgjithësi ata bëjnë zgjedhje të varfëra. Kush ka pasur një baba të ftohtë dhe të largët, mendon se meshkujt sillen vetëm në këtë mënyrë. Për këtë arsye këto femra përfundojnë me burra të ftohtë akull dhe antipatik, për shkak se ajo ka kërkuar për këtë model mashkullor”.
Profesor Fabrizio Quattrini, psikoterapist dhe president i Institutit italian të Seksologjisë Shkencore, ka identifikuar katër lloje të etërve:
- Autoritar. Nga babai që sillet si padron doni të shpëtoni – edhe fizikisht – e të largoheni sa më shpejt e larg nga shtëpia. Dëshira e vetme është për të gjetur një mashkull tjetër, por këto zgjedhje janë të rrezikshme, sepse mund te zgjidhni të ngjashëm me babain.
- Mik. I cili është mik me fëmijët e tij dhe kurrë nuk udhëzon. Kjo shpesh është edhe gabim, sepse për një fëmijë të vogël mund të jetë shumë bukur të ketë një baba gjithmonë të gatshëm për të luajtur dhe bërë shaka, por fëmijët gjithashtu kanë nevojë për dikë që t’i ndihmojë ata të ecin në jetën e tyre në mënyrë të drejtë. Shumë shpesh, bijat e këtyre etërve janë në kërkim të një mashkulli të përgjegjshëm, shpesh më të madh në moshë.
- I painteresuar. Ai është babai i interesuar vetëm për arsimimin dhe rezultate të mira, e cilat janë ëndrrat dhe aspiratat e vajzës nuk i interesojnë aspak. Këto etër thuajse s’kanë asnjë komunikim me vajzën e tyre. Rreziku është që në mënyrë të pavetëdijshme vajza të kërkojë një mashkull po aq egoist dhe jo shumë të ndjeshëm.
- I paimitueshëm. Babai ideal: Ai i pranishëm, i ëmbël, por jo ndërhyrës, një pikë referimi, por pa imponuar vullnetin e vet. Këta etër i bëjnë vajzat të rriten autonome dhe të sigurta, të afta për të gjetur një mashkull që i trajton në mënyrë të qetë dhe të barabartë.
Burimi: Radio 105
