Shtypi britanik thotë se Jose Mourinho do të menaxhojë një portofol të gjerë përforcimesh, nëse bëhet trajneri i Manchester United. Më konkretisht, portugezi do të ketë në dispozicion 300 milionë paundë për të investuar këtë verë te “Djajtë e Kuq”. Pra, klubi i njohur anglez po planifikon të “pushtojë” merkaton e futbollit.
Edhe pse nuk mund të flitet me siguri të plotë, njëqind për qind, e ardhmja e Jose Mourinhos duket e lidhur krejtësisht me Manchester United. Ky i fundit po lufton për “zonën Champions” në Premier Ligë, ndërsa është kualifikuar për në finalen e “FA Cup”, pasi mundi Evertonin në gjysmëfinale. JOse Mourinho pritet të jetë trajneri i Manchester United Gjithsesi, vështirë se sigurohet vazhdimësia e Van Gaal, pavarësisht punës së mirë të holandezit me të rinjtë. Në këtë kuptim, klubi nga “Old Trafford” do të jetë i gatshëm për t’i dhënë një “çek të bardhë” Mourinhos, sapo portugezi të vendosë për t’u vendosur në “Teatrin e Ëndrrave”.
Sipas “Daily Star”, Mourinho, që do të shpallet zyrtarisht në fund të këtij sezoni si trajner i “Djajve të Kuq”, do të ketë 300 milionë paundë (385 milionë euro) në dispozicion për t’i investuar në blerje, me qëllim që të revolucionarizojë skuadrën dhe të aspirojë të gjithë titujt. Konte-Mourinho, dy prurjet e reja në Premier Ligë, ja rivaliteti mes tyre në Seria A Një investim faraonik, që planifikon të rekrutojë disa nga lojtarët më të kërkuar në botë, duke filluar me Zlatan Ibrahimovic.
Sulmuesi suedez del jashtë kontratës me PSG-në dhe nënshkrimi i tij i ri gjithmonë po lidhet me figurën e “Mou”, me të cilën tashmë ka punuar tek Interi dhe ka një marrëdhënie të mirë. Ibra do të jetë vetëm i pari i një liste “bombë” lojtarësh, që sipas “Daily Star” përbëhet nga Neymar, Cavani, Müller, Pogba dhe Varane. Kjo listë dëshmon se një nga objektivat e klubit shkon për të mbështetur të rinjtë Martial dhe Rashford, përshtatjen e Memphis dhe problemet fizike të Rooney.
