Aung San Suu Kyi është akuzuar nga hetuesit e OKB-së për dështimin e ndalimit të një sulmi brutal ndaj myslimanëve Rohingya të cilët ata e kanë quajtur gjenocid.
Raporti i OKB-së bëri thirrje sot për gjashtë nga shefat më të lartë ushtarakë të Myanmarit, duke përfshirë edhe kreun e ushtrisë, për t’u përballur me akuzat për gjenocid nga një gjykatë ndërkombëtare.
Ata kanë ndërmarrë fushata të ashpra vrasjesh dhe dëbimesh masive të pakicës myslimane në vend, duke larguar nga shtëpitë e tyre 700,000 njerëz.
Raporti gjithashtu fajëson Aung San Suu Kyi, kreu civil e vendit, për mos përdorimin e pozitës së saj për të ndaluar dhunën.
“Ajo nuk e ka përdorur pozicionin e saj de fakto si kreu i qeverisë, as autoriteti i saj moral, për të frenuar ose parandaluar ngjarjet e shpalosura“,tha raporti.
