Gjatë gjithë merkatos së verës u përfol për një rikthim të mundshëm të Caleb Ekuban te Partizani, por duket se tratativat kanë dështuar. Mediat turke kanë raportuar së fundmi se lojtari ka arritur marrëveshjen me skuadrën e Trabzonsporit.
24-vjeçari ka mbërritur në qytetin e Trazbonit mbrëmjen e djeshme, ku do të kryejë vizitat mjekësorë dhe së shpejti do të firmosë kontratën me skuadrën turke. Sulmuesi ganez bëri një sezon (2016-2017) pozitiv me Partiznain, ku ra në sy te anglezët e Leeds United, të cilët blenë kartonin e lojtarit. Gjatë sezonit 2017-2018 ai ka bërë 20 ndeshje në kampionatin anglez, ku ka shënuar vetëm një gol. Tashmë duhet të tregojë aftësistë e tij si lojtar në kampionatin turk.
Për lojtarin ishte interesuar edhe Flamurtari.
