Eros Grezda pritet të kalojë te Glasgow Rangers. Ky është lajmi i publikuar në mediat skoceze gjatë ditës së hënë shkruajnë se është pranë mbylljes së marrëveshjes.
Për 23-vjeçarin flitet se do të paguhen 2 milionë paund tek Osijek. Glasgow Rangers u përball me skuadrën kroate në Europa League, por në atë sfidë Eros Grezda nuk u aktivizua, pasi po riaftësohej nga lëndimi.
Te ekipi i drejtuar nga Steven Gerrard ai duhet të zëvendësojë Jamie Murphy, i cili e mbylli sezonin si pasojë e një dëmtimi të rëndë. Për Eros Grezdën kampionati skocez do të jetë një aventurë e re, pas disa viteve në Kroaci. Më parë në Skoci është aktivizuar një tjetër futbollist i Kombëtares, Rudi Vata, i cili luajti për rivalët e Rangers, ekipin e Celtic.
