25 vjeçari i arrestuar ditën e sotme, pasi ishte pjesë e grupit të një kompanie emigruese që mashtronte persona për viza pune në Kanada, ka mbajtur një fjalim në Parlamentin e Shqipërisë disa kohë më parë.
Klevis Rreshka mban në rrjetin e tij “Facebook” një foto profili, ku duket teksa mban fjalin në Kuvendin e Shqipërisë.
Ai paraqitet si drejtues i organizatës Vision for National Development LLC dhe ka qenë pjese e një sërë aktivitetesh. Ai rezulton te kete mbajtur edhe një fjalim në Parlamentin e Shqipërisë, ku kanë qenë të pranishëm edhe ishambasadori amerikan Arvizu e ministrja Nikolla.
Sot paradite policia njoftoi se “Arrestimi i shtetasit Klevis Rreshka, u bë pasi në bashkëpunim me shtetaset L. M. dhe A. M., kanë mashtruar një numer të konsiderueshëm shtetasish duke u premtuar dokumente punësimi dhe studimi për në Kanada, Australi, Angli etj. duke u marrë shuma të konsideruaeshme monetare, rreth 27 personave nga qytete të ndryshme të vendit”.
