Nga Boldnews.al
Kryeministri Edi Rama edhe pse nuk ka aspak ngjashmëri me Kim Kardashian dhe Paris Hilton, mundohet t’i imitojë në sjellje, postime, marketing dhe imazh publik.
Çfarë pune bën Paris Hilton dhe Kim Kardashian? Asnjëra nuk ka një profesion, e para gëzon trashëgiminë miliardere të hoteleve Hilton në të gjithë botën, ndërsa Kim Kardashian, ia ka arrituar të jetë milionere, nëpërmjet shitjes së imazhit të saj, ose të pasmeve. Kjo punë do b…. dhe ato i kanë, por ekzistojnë edhe specie të tjera mjaft të rralla njerëzore që ia arrijnë të jenë si dy personazhet e showbiz-it. Të flitet për të, krijojë debat, shfaqë një vend imagjinar dhe flasë çmendurira, për ti tregtuar si vlera.
Edi Rama është i tillë, edhe ai është një fenomen i ngjashëm, nuk ka “asetet” e Kimit dhe Parisit, por shet imazhin, (jo atë të profesionit piktor), por të një politikani që qeveris më shumë në facebook e twitter sesa në nisma ligjore, vendime e strategji në të mirë të vendit.
Shqipëria nuk ka një model ekonomik dhe social. Vendi vegjeton në varfëri, mungesë të investimeve serioze të huaja, pasiguri dhe probleme të shumta sociale, por Rama sërish di të shesë produktin e tij, (që edhe pse mund të jetë një uthull rrushi e skaduar, ta ofron si verë të vjetër). Marketing politik, që mban një popull nën ushqimin e përditshëm të propagandës do b…. për ta bërë, por Ramës nuk i duhet ngrënë haku në këtë drejtim, ai është një personazh vitual që nuk di dhe nuk do që të qeverisë, por shitet si lider edhe kur është qesharak.
Poston video me nisje punimesh në rrugë, mblelljen e ndonjë peme, fasadat e zyrave të shtetit apo hedh ndonjë batutë si ato të burgaxhijve të vjetër. Ai merr klikime, përlqime, fyerje, kritika, vlerësime dhe në fund bën bilancin ashtu si Kim Kardashian apo Paris Hilton. Është në tregun politik edhe duke parë që vendi po rrënohet nga keqeverisja, korrupsioni qeveritar dhe pasigurie e jetës, mjafton që të investojë në propagandë duke ia kaluar edhe Kimit e Parisit që të paktën kanë çtë ofrojnë për sytë e ndjekësve.
