Vinisius Xhunior ishte afrimi më i bujshëm i Real Madridit gjatë merkatos së verës dhe drejtuesit madrilenë ishin të sigurt se me afrimin e Vinisiusit, kanë gjetur lojtarin të cilin mund ta konsideronin pa frikë pasuesi i Ronaldos.
Por, me ardhjen e tij në Spanjë kanë ndryshuar shumë gjëra, duke qenë se jo vetëm drejtuesit e tifozët, por edhe vetë trajneri Lopetegui e ka humbur besimin te ai. Tekniku spanjoll, ka vendosur që Vinisius të aktivizohet me Real Madrid Kastijën në mënyrë që të ambientohet me futbollin spanjoll pasi është ende i ri.
Sulmuesi brazilian ka debutuar në ndeshjen që skuadra e dytë e Realit ka zhvilluar përballë Las Palmasit, takim i mbyllur me fitoren e “Los Blancos”, por që Vinisius sërish nuk la gjurmë dhe u zëvendësua në minutën e 74.
Ditët në vijim, 18-vjeçari do të stërvitet me skuadrën e parë të Realit, por debutimi në La Liga pritet që të shtyhet edhe me disa javë të tjera pasi lojtari duhet të kënaqet dhe të ambientohet njëherë me Real Madrid Kastijën.
