Banorët e Rrajcës protestojnë para Bashkisë për pronat e grabitura

Banorët dy fshatrave do të protestojnë para bashkisë së Përrenjasit kundër asaj që e quajnë “grabitja e pronave kadastrale në Lëndinën e Rryenit”, e cila është dhënë me koncesion një kompanie private. Komsioni organizator thotë se banorët e Rrajcës dhe Skënderbeut do të mblidhen në datën 29.08.2018 nga ora 10 00 deri në 12 00 mbahet para Bashkisë Prrenjas. Protesta paqësore bëhet për të mbrojtur nga grabitja territorin brenda sinoreve të Rrajcës dhe Skënderbeut. “Pronat tona kadastrale në Lëndinën e Rryenit e më gjërë, pasuritë natyrore brenda këtij territori duhen mbrojtur dhe duhet bërë ndalimi i masakrës më të madhe mjedisore që ka ndodhur në këtë zonë me shkatërrimin e kullotave dhe bimëve medicionale. Është rast i veçantë ku të gjithë ne banorët e Rrajcës dhe Skënderbeut burra, gra, i madh dhe i vogël duhet të bashkohemi dhe të ngrihemi nën shembullin e të parëve tanë, për të mbrajtur të paprekur çdo cep të sinoreve të Rrajcës”, deklarojnë organizatorët.