Max Rugova (17/02/2000) është një nga emrat e rinj premtues në futbollin kosovar.
Rugova karrierën e tij e ka filluar në SHBA, ku për herë të parë është paraqitur me skuadrën e Swope Park Rangers.
Talenti premtues justifikoi besimin e skuadrës qysh në debutimin e tij, debutim ai i ëndrrave në të cilin realizoi dy herë.
Potenciali i 18 vjeçarit ka zgjuar interesimin e skuadrave evropiane dhe dy ditë më parë, djaloshi nënshkroi kontratë me skuadrën gjermane, FC Nürnberg.
Rugova gjithashtu ka pasur një ftesë nga përfaqësuesja e Kosovës u-19 në miqësorën e luajtur kundër Shqipërisë.
Ëndrra e të riut nga Kosova është të pranoj një ftesë nga selektorit i përfaqësuesës A të Kosovës.
