Juventus shpenzoi 112 mln euro për ta sjellë në Torino dhe ashtu siç tregon edhe vetë Cristiano Ronaldo objektivi është të fitojnë “Champions League”. Në një intervistë për transmetuesin më të ri të Serisë A, DAZN, portugezi tha se qëllimi është të triumfojnë në Europë, pa kaluar në obsesion.
“Duam të fitojmë Championsin me Juventusin dhe do të përqendrohemi te ky objektiv, por pa kaluar në obsesion. Thjesht duhet t’i bëjmë gjërat hap pas hapi dhe të shpresojmë, pastaj të shohim nëse do t’ia dalim këtë sezon, apo në të tjerët në vijim”, deklaroi 33-vjeçari.
Portugezi ka folur më pas edhe për të birin, Ronaldo Junior, duke thënë se është i bindur që edhe ai do të ketë një të ardhme të ndritur në futboll.
“Ai është si unë, nuk i pëlqen aspak të humbasë dhe ka shumë shpirt gare. Jam i sigurt se do të bëhet një futbollist i madh, si unë”, deklaroi CR7.
