Shkaktari i dyshuar në aksidentin e ndodhur ditën e djeshme në aksin Fier-Levan, është arrestuar.
Në prangat e policisë ka përfunduar 31-vjeçari Edmond Asllani, banues në Patos, pasi dyshohet si shkaktar i incidentit ku humbi jetën një grua shtatzanë dhe u plagosën disa të tjerë.
Asllani po drejtonte një mjet tip “Benz” kur përplasi dy mjetet e tjera. 31 vjeçari përplasi një mjet tip ‘Benz’ dhe një mjet tjetër ‘Audi’.
Viktima është Majlinda Troka rreth 27 vjeç, e cila ishte pasagjere në një nga mjetet që u përplasën. Parakalimi i gabuar i një prej mjeteve dyshohet se ka qenë shkaku i aksidentit të rëndë.
