Policia e Dibrës ka arrestuar një 53 vjeçar për armëmbajtje pa leje. Në pranga ka rënë Hasan Koltraka, banues në fshatin Arras-Dibër.
Mësohet se 53-vjeçarit janë vënë prangat në dasmë, ku Koltraka po martonte vajzën e kushëririt.
Nga njoftimi zyrtar i policisë thuhet se “arrestimi i tij u bë pasi një qytetar ka telefonuar Policinë se ky shtetas dyshohej se mbante armë zjarri pa leje, ku menjëherë shërbimet e Komisariatit të Policisë Dibër kanë organizuar punën duke ushtruar kontroll në banesën e tij”.
Gjatë kontrollit, 53-vjeçarit iu gjetën të fshehura një armë zjarri pistoletë TT, 3 krëhëra të mbushura me fishekë, dhe një kuti me 44 copë fishekë, gjithësej 65 copë fishekë pistolete.
Gjithashtu janë gjetur edhe 28 fishekë arme gjahu.
Arma e zjarrit sëbashku me municionin është sekuestruar në cilësinë e provës materiale
Materialet proceduriale do ti referohen Prokurorisë Rrethit Gjyqësor Dibër, për veprën penale ” Mbajtje pa leje dhe prodhimi i armëve, armëve shpërthyese dhe i municionit”.
