Projekti që synon praktikën e punësimit të të rinjve në administratën publike u prezantua sot nga Ministri i Mirëqënies Sociale dhe Rinisë, Blendi Klosi dhe Kryeministri Edi Rama.
Në fjalën e tij Rama tha se nga qersohi deri në gusht 2000 të rinj mund të punësohen në administratën publike në Shqipëri dhe 1000 të tjerë në administratën publike në Kosovë. Rama i bëri thirrje të rinjve në Kosovë të vijnë në Shqipëri dhe po ashtu të rinjve shqiptarë të shkojnë në administratën në Kosovë. “Janë 2 mijë të rinj për praktikë punë në adminnistratën e Shqipërisë dhe 1000 të tjerë në administratën e Kosovës. Kemi shumë dëshirë që të ftojmë të rinjtë kosovarë të punojnë në administratën tonë dhe të rinjtë shqiptarë të shkojnë në Kosovë”, tha shefi i qeverisë.
Nga ana tjetër, ministri Klosi tha se ky është viti i tretë që po realizohet praktika dhe tregon se të rinjtë nuk janë pasiv, por dinë mirë të jenë pjesë e administratës. “Realizuam me sukses thirrjen e parë ku aplikuan 1700 të rinj dhe u përzgjodhën 950, të cilët zhvilluan me shumë sukses praktikën e punës. Në ditën e rinisë 200 prej tyre nënshkruan kontratat një vjeçare në shtet. Këtë vit hapen dyert edhe në institucionet e qeverisjes vendore”, u shpreh Klosi.
