Presidenti i Shteteve të Bashkuara të Amerikës Barack Obama dhe kancelarja gjermane Angela Merkel mbrojtën marrëveshjen e tregtisë së lirë gjatë negociatave që zhvilluan dje, duke theksuar përfitimin që do të kenë ekonomitë në të dy anët e Atlantikut.
Në një konferencë të përbashkët shtypi në qytetin verior gjerman të Hanoverit, Obama tha se në mënyrë të “padiskutueshme” Partneriteti Ndëratlantik i Tregtisë dhe i Investimeve (TTIP) do të forcojnë ekonominë e BE-së dhe të ShBA-së dhe do t’i bëjë më konkurruese në krahasim me rajonet e tjera të botës.
“Shtetet e Bashkuara dhe Bashkimi Europian duhet të përparojnë marrëveshjen,” theksoi Obama gjatë bisedimeve me Merkelin.
“Është shumë e dobishme që të lejojmë ekonominë tonë të rritet, është e rëndësishme për ekonominë gjermane, është e rëndësishme për ekonominë europiane,” tha Merkelin duke shtuar se BE-ja dhe SHBA-ja kanë interes t’i përshpejtojnë negociatat, të cilat kanë nisur në korrik të vitit 2013.
Një raund i ri bisedimesh mbi marrëveshjen është planifikuar të fillojë në ShBA javën e ardhshme. Të shtunën, dhjetëra e mijëra njerëz protestuan në rrugët Hanoverit kundër marrëveshjes.
