Tragjedia e shëmbjes së urës Morandi në Genova të Italisë ka hidhëruar mjaft dhe Shqipërinë. Në bilancin ende të hapur të viktimave regjistrohen dhe dy të rinj shqiptarë:
Marjus Djerri 22 vjec e Admir Bukrina 32 vjec.
Marjus Djerri ishte me origjinë nga Shijaku e me pasiionin e madh për futbollin .
Prej vitit 2015 luante në rolin e sulmuesit në skuadrën amatoriale Black Out të provincës së Genovas. Sic e dëshmon dhe skeda e tij si lojtar, gjatë sezonit 2016-2017 Marjus kishte shënuar 10 gola me skuadrën e tij.
Në momentin e tragjedisë ai po udhëtonte për të punuar drejt komunës Rapallo e po tranzitonte mbi urën Morandi.
Familjarë e Marjus Djerrit që gjatë ditës së djeshme kishin deklaruar zhdukjen e tij duke e kërkuar në spitalin San Martino të Genovas.
Në furgonin e punës ai udhëtonte së bashku me shqiptarin tjetër Admir Bukrina 22 vjec me origjinë nga fshati Oblik i Shkodrës.
Admir Bukrina ishte i martuar e sipërmarrës e një shoqërie të vogël ndërtimi. Bisnesi i tij rezulton i regjistruar e si pronar i vetëm prej 5 dhjetorit të vitit 2016.
Ambasada shqiptare në Itali ka konfirmuar zyrtarisht identitetin e dy viktimave shqiptare dhe ka vënë në dispozicion dy numra celularë për t’i ardhur në ndihmë familjarëve të viktimave.
Mediat italiane informojnë se familjarët e dy viktimave shqiptare kanë qënë të pranishëm në momentin kur trupat e tyre janë nxjerrë nga gërmadhat.
