Vazhdojnë ende kërkimet për personat e mbetur nën rrënoja si pasojë e shembjes së urës ‘Morandi’ të ndërtuar që prej vitit 1960 në Itali. Afër vendit të ngjarjes, duke i shpëtuar mrekullisht asaj, ka qënë dhe avokati shqiptar Saimir Vishaj.
Këtë e ka bërë të ditur vetë avokati me një postim në rrjetin e tij social facebook. Ai shkruan ”Faleminderit Zoti im,,,, mbas 9 minutash ndodhi këtu tragjedia në Genova”. Ai ka bashkangjitur dhe disa foto të vendit para se të shembej ura.
Deri më tani, raportohen 11 viktima të mbetur nën rrënoja, ndërkohë që ende nuk dihet numri i saktë i automjeteve dhe personave të tjerë të mbetur nën rrënoja. Ura ‘Morandi’ u rrëzua si pasojë e motit të keq dhe problemeve që kishte shfaqur në strukturën e saj. Ura është një shkëmbim i rëndësishëm midis rajoneve veriore të Lombardisë dhe Piemontit dhe plazhet e Ligurisë, dhe autostrada kryesore që shkon drejt perëndimit në Francë.
