Transferimi i Cristiano Ronaldos te Juventusi është pritur me mjaft optimizëm tek bardhezinjtë.
I fundit që e ka mirëpritur ardhjen e portugezit ka qenë portier polak, Wojciech Szczesny, që në një intervistë për “Sky Sport Italia” ka pranuar se “ëndrrat janë bërë objektiva” për Juventusin me Cristiano Ronaldon.
Ishte një merkato e madhe që sjell entuziazëm të vërtetë në ekip. Tani ëndrrat janë bërë objektiva dhe skuadra është e plotë. Ne duam të arrijmë çdo objektiv dhe kjo do të thotë të fillojmë mirë në Serie A, e cila do të na vendosë në një pozitë të favorshme për të shkuar shumë larg në garat e tjera. Të gjithë të sapoardhurit janë shumë të fortë, ndërsa Ronaldo është ai që bën dallimin. Për fat të keq, ai gjithashtu shënon shumë gola në stërvitje”, tha Szcyesny.
