Në krye të listave zgjedhore në Serbi, e vetmja femër është shqiptare. Ardita Sinani është mësuese në profesion dhe përfaqëson Partinë për Veprim Demokratik. Ajo thotë se do të luftojë për më shumë të drejta jo vetëm për gratë, por për të gjithë shqiptarët në Luginën e Preshevës.
“Nëse femra është aktive dhe në pozicione vendimarrëse, atëherë besoj se nuk do të ketë korrupsion, ligji do të zbatohej, do të kishte drejtësi dhe punët do të ecnin në mënyrën më të mirë të mundshme”, thotë Ardita Sinani nga Partia për Veprim Demokratik.
Sinani thotë se do të shfrytëzojë të gjitha mjetet demokratike për të ngritur zërin në një zonë që ka pasur mjaft konflikte.
“Për shqiptarët e Luginës së Preshevës më e rëndësishme është të ulet numri i të papunëve, te ketë një zhvillim ekonomik sepse jemi zona më e pa zhvillaur në të gjithë territorin e Serbisë”, vijon ajo.
Shqiptarët në Luginën e Preshevës garojnë kryesisht në zgjedhjet lokale për shkak të bojkotit, por pjesëmarrja e tyre do të jetë edhe për ato parlamentare.
