Autori që shkaktoi tragjedinë një ditë më parë në Vlorë, përkufizohet si rast me çregullime të shëndetit mendor, por i pa diagnostikuar dhe i pa trajtuar thonë psikologët që sipas tyre të tille ka shumë në shoqërinë shiptare.
“Rasti i djalit ka të bëjë me çrregullime antisociale të personalitetit, sociopat dhe psikopat”, thotë psikologia Adelina Pjetra për Top Channel. Këta persona kanë shumë shoqëri por jo të qëndrueshme. Ata, sipas psikologëve, e shfrytëzojnë shoqërinë. “Mungesë emocionesh, nuk kanë ndjenjë faji, nuk pendohen, çdo gjë që bëjnë iu duket e drejtë”, thotë ajo.
Por a shfaqin shenja këta lloj personash. Sipas psikologëve çdo veprim i tyre është i lexueshem madje duke nisur që nga lojërat në fëmijëri, por shoqëria jonë ka shumë pak informacion.
Për të parandaluar agravimin e gjendjes së këtyre personave sociopatë rol kryesor ka familja por edhe shteti thonë psikologët.
“Të vëzhgojë sherret që bëjnë në vazhdimësi ose shetit të ndikojë me mos lirimin nga burgu ,pasi kështu vetëm iu jep kurajo këtyre tipave”, thotë më tej psikologia.
Duke i referuar rastit të 24-vjeçarit, psikologët vlerësojnë se akte të tilla jo domosdoshmërish lidhen me konsumin e alkoolit apo substancave narkotike.
