SHBA – Mbi 21 mijë persona janë evakuuar nga shtegu i një zjarri të vrullshëm në jug të Kalifornisë. Urdhëri për evakuuim u dha teksa zjarri kërcënonte shtëpitë perreth Liqenit Elsinor.
Zjarri, i cili nuk është i pari në këtë shteit, ka shkatërruar një sipërfaqe të madhe pyjesh në veri të San Diegos. Ndërkohë, një person i cili dyshohet se ka vënë zjarrin qëllimisht nëpër pyje, ka dalë përpara gjykatës.
Forrest Clark u shfaq mjaft i tensionuar gjatë seancës. Cështja e tij është shtyrë për në 17 gusht, ndërsa lirimi i tij me kusht është përcaktuar kundrejt një pagese prej 1 milion dollarësh.
I dyshuari ka ndërhyrë duke u shprehur se e përballon lehtësisht një pagesë të tillë. Autorietet bëjnë të ditur se ai ka vënë zjarrin qëllimisht për shkak të një konflikti prej vitesh me fqinjët. Clarck i ka dërguar edhe një email shefit vullanetar të zjarrëfikësve lokalë ku kërcënonte se vendi do të digjej, kanë bërë më tej të ditur autoritetet.
Raportohet se temperaturat e larta dhe erërat e forta e kanë nxitur edhe më shumë zjarrin duke e cuar në përmasa të mëdha. Ekspertët kanë paralajmëruar se situata do të përkeqësohet edhe më tej për shkak të vazhdimit të motit të nxehtë dhe stuhive.
