Mateo Kovacic duket se është një hap larg Chelseat. Kroati, i cili nuk ka gjetur shumë hapësira te Reali, kërkonte të largohej, dhe siç raporton “Marca” në Spanjë, blutë e Londrës janë një hap larg tij.
Kovacic ia kishte bërë të qartë klubit madrilen ditën e djeshme, se nuk ishte i gatshëm të stërvitej më me Realin.
Situata u zhbllokua më pas, kur vetë klubi mbretëror, i komunikoi lojtarit se do të transferohej tek Chelsea në formën e huazimit, dhe se në vazhdim gjithçka do të bëhej zyrtare.
Orët e fundit, interes për Kovacic kishte shfaqur edhe Interi, që kërkonte ta rikthente në “San Siro”, por edhe Milani dëshironte që të përforconte mesfushën me kroatin.
