Kreu i Partisë Demokratike, Lulzim Basha, ka komentuar si budallikun e rradhës të kryeministrit Rama, deklaratën e tij lidhur me kombëtaren shqiptare të futbollit.
Me anë të një statusi në rrjetin e tij social, Facebook, Basha ka reaguar me ironi ndaj Ramës se i duket absurde ajo çfarë thotë ai.
“Duhet mbajtur mend e fiksuar mirë se sot budallallëku i një kryeministri kapërceu çdo vrapim me pengesa për të zënë vendin e parë në galerinë e tuhafëve. Pa droje fare e bëri të vetën dhe këtë merite, si të qe tender apo konçesion. Po ia plasin gazit i madh e i vogël, paçka se ky qëndrim është i rëndë dhe hedh poshtë mundin, sakrificën, talentin e djemve të kombëtares, të ekipit, stafit drejtues”, ka thënë Basha.
Edhe ata që presin topat pas porte, ka shtuar ai, e dinë çfarë kontributi ka Edi Rama në këtë histori suksesi.
“Po të dëshpëruarit bëjnë deklarata të dëshpëruara. Pasi e ngjiti Shqipërinë në krye të listës europiane të drogës me Tahirin, Shullazin e Habilajt, pasi instaloi korrupsionin në çdo zyrë, pasi e bëri vendin më të inkriminuar në planet, pasi futi skamje e varfëri në popull, e vetë me bandën e hajdutëve kapi majat e luksit, me gjithë këtë bilanc të zi që është drejtpërdrejt puna e vepra e tij, rreket ta vërë emrin te e vetmja gjë e mirë që ka ndodhur dhe thotë se ai e paska dërguar Shqipërinë në Francë 2016”, shprehet Basha.
Sipas tij, ky është vetëm një marifet i dalë boje për të larguar vëmendjen nga plagët e mëdha të shoqërisë.
“Shqiptarët shohin se si ky kumbar ngriti një perandori krimi me Shullazin, me zhvatje, plaçkitje, me eksploziv e armë te koka, ky bërtet reforma. Shqiptarët duan stadium, e jo biznes për mikun e Ramës që bëhet pronar i mijëra metrave në zemër të Tiranes, ky thotë kombetarja. Shqiptarët shohin se si vjedhja qeveritare bëhet çdo ditë me thasë, ky thotë rilindje”, ka ironizuar Basha.
Sa për shijet estetike, ka shtuar ai, këto tashmë i dallojnë qartë të gjithë. “Ato të Ramës nisin te gjirizet e errëta të rrugës së Kavajës, ku kishte zyrat banda e tij e preferuar, e përfundojnë te komisari i jugut që dikush e ka shpallur armik të ujit dhe sapunit”, ka shtuar kreu i PD.
Ja statusi i plotë:
Duhet mbajtur mend e fiksuar mire se sot budallalleku i nje kryeministri kaperceu cdo vrapim me pengesa per te zene vendin e pare ne galerine e tuhafeve te motos; cme duhet mua se cfare them une. Sot Edi Rama shpalli se ai e paska cuar kombetaren ne finalet e europianit. Pa droje fare e beri te veten dhe kete merite, si te qe tender apo koncesion. Po ia plasin gazit i madh e i vogel, packa se ky qendrim eshte i rende dhe hedh poshte mundin, sakrificen, talentin e djemve te kombetares, te ekipit, stafit drejtues. Edhe ata qe presin topat pas porte e dine cfare kontributi ka Edi Rama ne kete histori suksesi. Po te deshperuarit bejne deklarata te deshperuara. Pasi e ngjiti Shqiperine ne krye te listes europiane te droges, me tahirin, shullazin e habilajt, pasi instaloi korrupsionin ne cdo zyre, pasi e beri vendin me te inkriminuar ne planet, pasi futi skamje e varferi ne popull, e vete me banden e hajduteve kapi majat e luksit, me gjithe kete bilanc te zi qe eshte drejperdrejt puna e vepra e tij, rreket ta vere emrin te e vetmja gje e mire qe ka ndodhur, dhe thote se ai e paska derguar Shqiperine ne France 2016. Marifet i dale boje per te larguar vemendjen nga plaget e medha te shoqerise. Shqiptaret shohin se si ky kumbar ngriti nje perandori krimi me Shullazin, me zhvatje, plackitje, me eksploziv e arme te koka, ky bertet reforma. Shqiptaret duan stadium, e jo biznes per mikun e Rames qe behet pronar i mijera metrave ne zemer te Tiranes, ky thote kombetarja. Shqiptaret shohin se si vjedhja qeveritare behet cdo dite me thase, ky thote rilindje. Sa per shijet estetike, keto tashme i dallojne qarte te gjithe. Ato te Rames nisin te gjirizet e erreta te rruges se Kavajes ku kishte zyrat banda e tij e preferuar e perfundojne te komisari i jugut qe dikush e ka shpallur armik te ujit dhe sapunit.
