Kishte shkuar me pushime në Rimini, por rrezikon të mbetet i paralizuar gjithë jetën. Bëhet fjalë për një 37-vjeçar shqiptar, prej vitesh me banim në Napoli.
Siç bëjnë të ditur mediat italiane, shqiptari ishte në një pedalone, kur është hedhur me kokë në ujë. Siç duket ai nuk e kishte vënë re se ndodhej në një cektinë. Sapo është hedhur, ai ka përplasur kokën me fundin e detit, duke pësuar një goditje të fortë dhe ka humbur ndjenjat.
37-vjeçari shqiptar është nxjerrë nga uji dhe u dërgua me urgjencë në spital. Sipas mjekëve ai rrezikon që të ngelë i paralizuar.
