Biletat për miqësoren në Vilar Perosa, biletat për ndeshjen e parë të Juventusit në kampionat dhe bluzat e Ronaldos në dyqane e klubit. Të gjitha kanë një të përbashkët, të gjitha pajisjet e lartpërmendura janë shitur dhe mbaruar.
Ronaldomania po kthehet në një fenomen tek Juventusi. Në vetëm 3 javë, që kur Ronaldo u bë pjesë e “zonjës”, tek bardhezinjtë ka ndodhur një “bum” i vërtetë. Është arritur deri aty sa në dyqane tashmë nuk gjenden më fanela me numrin 7 të sulmuesit portugez, një situatë kjo që do të zgjasë deri në muajin shtator pasi të kenë filluar të gjitha kompeticionet.
Me një përllogaritje të thjeshtë, nga shitja e këtyre fanellave është arkëtuar 6.3 milionë euro, ku 10-12% e kësaj shifre do të shkojnë për Juven. Ndërkohë, nga vazhdimi i shitjeve pritet që shifra e mbledhur të shkojë deri në 55 apo 65 milionë euro.
