Një krim në familje ka ndodhur në Durrës por fatmirësisht është shmangur tragjedia. Një 28-vjeçare është plagosur me armë zjarri nga bashkëshorti i saj.
Bëhet fjalë për shtetasen me inicialet E.N. e cila ka marrë një plumb në këmbë. Pas ndihmës mjekësore që ka marrë në spital ajo ka shkuar në banesë duke mos bërë as denoncim madje.
Për këtë, ajo pritet të procedohet penalisht për “moskallëzim krimi” dhe “veprime që pengojnë zbulimin e së vërtetës”.
Ndërkohë, policia thotë se ka vënë në pranga autorin e krimit, shtetasin me inicialet A.N., 30-vjeç. Ai e ka qëlluar me armë në këmbë bashkëshorten në debat e sipër. Ende nuk është gjetur arma e krimit.
30-vjeçari pritet të përballet me akuzat e “armbëmbajtjes pa leje” dhe “dhunës në familje”.