Ditën e djeshme kavalieri Silvio Berlusconi u përball me një “incident” të pakëndshëm në qendrën e votimit ku shkoi të hidhte votën për qeverinë e ardhshme të Italisë.
Përpara kreut të “Forza Italia” u shfaq një vajzë e re e zhveshur topless e cila hipi mbi një tavolinë duke bërtitur:
“Berluskoni je i skaduar!”. Këtë mesazh ajo e kishte shkruar edhe në trupin e saj. Kjo foto së bashku me lajmin bënë xhiron e botës në të gjitha mediat botërore.
Protestuesja është një franceze 30-vjeçare, pjesë e lëvzjes “Femen”.
Ajo u nxor jashtë nga forcat e policisë të pranishme. Ndaj saj tashmë kanë nisur hetimet për “prishje të qetësisë publike gjatë zgjedhjeve” dhe për “mosbindje ndaj kryetarit të komisionit të qendrës së vitimit”./dt shkurt 2018/
Quhet Melodie Mousavi Nameghi dhe është franceze me origjinë iraniane. Ajo kishte mbërritur në Milano në 8.45 me një linjë nga Parisi në Malpensa. Kishte mundur të hynte në qendrën e votimit me një teser si gazetare e lirë.
“Ka mbaruar koha ime? Po, në fakt nuk kishte më radhë” – tha më pas Silvio Berluskoni.
“Ishte një shfaqje e menjëhershme dhe nuk pata mundësi të shoh asgjë. Në mes të të tjerëve, nuk di çfarë ndodhi. Ishte si një fantazmë. Nuk e di. Nuk pashë gjë” – tha Berluskoni ndërsa u paraqit sërish për të votuar.
