Një trafik i rënduar është ndeshur në aksin rrugor Fier-Levan, ku shkak është bërë rritja e fluksit të pushuesve drejt bregdetit të jugut këtë fundjavë. Radha e automjeteve nis prej unazës lindore të Fierit dhe ka vazhduar deri në Levan ku ndahen drejtimet e lëvizjes.
Një pjesë e rrugës që duhet të përshkojnë drejtuesit e mjeteve është kthyer në makth. Shkak i këtij trafiku është rritja e fluksit të pushuesve drejt bregdetit të jugut për fundjavë.
Trafiku i automjeteve nis prej unazës lindore të Fierit dhe ka vazhduar deri në Levan ku ndahen drejtimet e lëvizjes për në Tepelenë.
Mungesa e Byppassit që lidh Fierin me Vlorën, i detyron drejtuesit e automjeteve të kalojnë pikërisht në këtë aks.
Në këto kushte shefi i qarkullimit rrugorë në Fier thotë se policia ka shtuar forcat në këtë aks dhe i bën apel drejtuesve të automjetit të zbatojnë rregullat e qarkullimit.
“Shërbimet e Policisë së Shtetit janë mobilizuar dhe janë në gatishmëri të plotë, por kërkojmë mirëkuptimin e qytetarëve që të respektojnë normat e qarkullimit rrugor. Mos të përdorin celularin dhe mos të kryejnë parakalime të gabuara. Sidomos në kushtet e një ngarkese të konsiderueshme do konsiderohet hyrje e gabuar në krah të kundërt. Në mënyrë absolute drejtuesit e automjeteve nuk duhet të konsumojnë pije”, tha Mema.
Ngarkesa në rrugë pritet të jetë edhe më e rënduar gjatë gjithë muajit gusht, që është edhe periudha më e frekuentuar e plazheve në jug të vendit nga pushuesit.
