SPANJË – Temperaturat ekstremisht të larta kanë shkaktuar dy viktimat e para në Spanjë, vend i cili po vuan prej një jave pasojat e vapës ku termomentri i ka kaluar 45 gradë Celsius. Dy persona humbën jetën si pasojë e infarkteve nga i nxehti i padurueshëm.
Dy provinca në rajonin perëndimor te Extremaduras kanë vendosur alarmin e kuq, siç është rasti në provincën Salamanca të Castilla y León dhe pjesë të rajonit të Galicias.
Spanjollët të cilët janë mësuar me vapën e këtij sezoni shprehen se këtë vit tempeturat kanë qenë përtej normales. Megjithatë qytetarët duket se i shpërfillin këshillat e ekspertëve për të shmangur daljet pas orës 9 të mëngjesit.
“Kam me vete kapelen, një freskuese dhe ujin padyshim”.
E shtuna dhe e diela do të jenë edhe më të nxehta shprehen meteorologët që nënvizojnë se një vale e të nxehtit afrikan tashmë kaluar në pjesen jugore të Europes. Temperaturat e larta kanë përfshirë edhe Italinë, Francën, dhe Portugalinë.
