Elseid Hysaj ishte shumë pranë transferimit te Chelsea.
Lajmi është konfirmuar nga vetë menaxheri i mbrojtësit shkodran i cili tha se u arrit akordi nga të dyja palët që Hysaj të transferohej te klubi londinez.
Në një intervistë për “RMC Sport”, Mario Xhiufredi nuk dha detaje përse u prish marrëveshja.
“Kemi qenë në bisedime me Çelsin prej shumë kohësh. Të dyja palët ishim dakord për transferimin e Elseid në Londër. Ai donte t’i bashkohej teknikut Sarri, por ndodhën ato që ndodhën dhe akordi mes palëve u prish. Tani është te Napoli dhe do të vazhdojë të japë më të mirën. Rinovimi? Kemi një kontratë me klubin napolitan dhe nuk kam biseduar ende me drejtuesit e klubit. Pas fundit të sezonit që do të nisë, do të ulemi dhe do të flasim për termat dhe kushtet e reja të kontratë”, u shpreh Xhiufredi.
