Edgar Çani do të nisë nesër stërvitjen me skuadrën e dytë të Partizanit. Burime të besueshme pranë klubit të kuq kanë konfirmuar për “Panorama Sport” një gjë të tillë, çka do të thotë se Çani do të jetë nën urdhrat e trajnerit Genc Mahmutaj për sezonin e ri futbollistik.
Partizani B është pjesë e Kategorisë së Dytë, që në rast se gjërat vazhdojnë në këtë rrugë, kjo kategori do të ketë luksin të ketë në përbërje të saj ish-lojtarin e Kombëtares shqiptare, që ka luajtur gjithashtu në Seria A.
Futbollisti ka deklaruar se do të respektojë kontratën me të kuqtë, çka do të thotë se, me shumë gjasa, do i bindet urdhrit për të vajtur tek ekipi i dytë.
