Policia greke ka shkatërruar një tjetër bandë që merrej me trafikun e drogës nga Shqipëria drejt Greqisë.
Dy shtetas grekë 50 vjeç dhe 23 vjeç janë arrestuar e bashkë me ta edhe një shqiptar 23 -vjeçar.
Gjatë kontrollit në automjetin e tyre u gjetën 22 kg kanabis sativa i papërpunuar.
Mësohet se tre të arrestuarit e kishin marrë drogën në Igumenicë nga dy shtetas shqiptarë. Këta të fundit nuk kanë arritur të prangosen dhe policia i ka shpallur në kërkim.
Shqiptari i arrestuar ka qenë i skeduar nga policia greke si kontigjent i rrezikshëm kriminal. Automjeti ku udhëtonin bashkë me drogën ishte në pronësi të shtetasit grek 50 –vjeçar.
Bold News
