Është publikuar raporti final për një nga historitë më misterioze të kohëve moderne. Bëhet fjalë për zhdukjen e avionit të Malaysian Airlines më 8 mars të vitit 2014. Fluturimi MH370 me 239 persona në bord u devijua përpara se avioni të përplasej në Oqeanin Indian duke vrarë të gjithë personat në bord. Në raportin final thuhet se avionit i është ndryshuar qëllimisht kursi. Madje në raport thuhet se avioni mund të jetë rrëmbyer nga një palë e tretë.
Një nga teoritë është se kapiteni Zaharie Ahmad Shah e përplasi qëllimisht avionin në një akt vetëvrasje. Avioni po fluturonte nga Kuala Lumpuri për në Pekin.
Megjithatë në raportin final nuk fajësohet askush për këtë ngjarjen, por thjesht thuhet se nuk është përcaktuar akoma se përse ndryshoi kurs avioni. Qeveria malajziane thotë se do të rihapë hetimet nëse zbulohen prova të reja. Kryehetuesi tha se besojnë se avioni ishte nën kontroll manual dhe u mbyt qëllimisht.
“Nuk mund të përcaktojmë nëse avioni është drejtuar nga dikush tjetër përveç pilotit. Nuk e përjashtojmë mundësinë e ndërhyrjes së një pale të tretë”, tha Kok Soo Chon. Vjet u raportua se piloti kishte simuluar këtë rrugë që bëri avioni përpara se të përplasej në ujë.
