Basha: Kush e gjen gjëagjëzën e Edvingut, fiton një Toyota Yaris

Kryetari i Partisë Demokratike, Lulzim Basha, ka bërë një tjetër ironi me kryeministrin Edi Rama. Pas oktapodit, pushtetin e tij e simbolizon me fole gjarpërinjsh.

Sipas tij, Edi Rama ka bashkuar qeverinë me krimin e organizuar dhe gjyqësorin e korruptuar.

Dhe si për vazhdim të ironisë, thotë se kush e gjen gjëagjëzën e postuar nga ai në rrjetin social Facebook, fiton një Toyota Yaris.

Postimi i Bashës

Gjëagjëzë Edvingu:

Kush i lidh e i mban bashkë:

një trafikant të dënuar droge me vëllain Ministër të Brendshëm PLUS

një gjyqtar që e shpëton nga ekstradimi ortakun e trafikantit të drogës PLUS

komisionerët e vettingut që e shpallin këtë gjyqtar të përshtatshëm për të vazhduar detyrën?!

Kush gjen përgjigjen e saktë, fiton Toyota Yaris.