“Qeveria shqiptare ka krijuar një situatë të paprecedentë në marrëdhëniet e shtetit shqiptar me Këshillin e Europës dhe Gjykatën Europiane për të Drejtat e Njeriut, – deklaroi sot Partia Demokratike, – duke bllokuar prej dy vitesh, emërimin e gjyqtarit që përfaqëson Shqipërinë në Strasburg. Bllokimi nga Edi Rama po bëhet për të njëjtat arsye që ka bllokuar ngritjen e Gjykatës Kushtetuese dhe të institucioneve të reja të drejtësisë.
Gazmend Bardhi, këshilltari ligjor i PD, dha një deklaratë shtypi lidhur me bllokimin e sistemit të drejtësisë ku tha se “shqiptarët kanë të drejtë ta dinë se bllokimi i gjyqtarëve në Strasburg bëhet sepse Rama nuk heq dorë nga propozimi si kandidat i kunatit të Fatmir Xhafajt, ish-anëtarit të Gjykatës Kushtetuese Sokol Berberi dhe përfaqësuesve të fondacionit Soros, Darien Pavlit.
