Aktori Orlando Bloom u zemërua së tepërmi me një spektatore në teatër, aq sa u detyrua të ndërpriste dy herë performancën në skenë e t’i bërtiste që ta hiqte iPadin.
Bloom ishte në skenë duke luajtur rolin kryesor në dramën Killer Joe, e cila po shfaqet në Trafalgar Studios në Londër.
Aktori britanik e la rolin dhe iu drejtua spektatores në sallë: “Dua që ta largosh atë iPad, TANI!”.
Më vonë e ngriti më tepër zërin, me fjalë më të ashpra: “Hiqe atë mut iPadi, po të pres”.
Adhuruesit e 41-vjeçarit u hodhën në mbrojtje të tij, duke thënë se ia bëri mirë gruas me iPad, e cila po e filmonte.
Një prej tyre thotë se kjo nuk është hera e parë që Bloom bën një gjë të tillë.
