Teksa lufta ndaj informalitetit ka hyrë në fazën e dytë të saj , Ministria e Financave dhe Drejtoria e Përgjithshme e Tatimeve kanë bërë një plan pune për kontrollin e 300 tatimpaguesve më të mëdhenj në vend.
Sipas burimeve zyrtare, plani merr në konsideratë ngritjen e grupeve fiskale të posacme për sektorin sektor financiar, telekomunikacionin, energjetikën, ndërtimin, prodhim, produkte farmaceutike, arsim, tregti, shërbime. Sipas këtyre sektorëve do të mobilizohen tatimorë të posacëm të cilët do të specializohen në mënyrë të vazhdueshme që të kenë kapacitete për të kontyrolluar biznesët VIP, shkruan Monitor.
Gjithashtu Drejtoria e Përgjithshme e tatimeve ka në plan të vendosë kritere të reja për përfshirjen e biznesëve në kategorine e tatimpaguesve të mëdhenj.
Për të forcuar kontrollin në biznesin VIP, Drejtoria e Tatimeve do të ngrejë një mekanizëm të kontrollit të cilësisë së kontrolleve tatimore (p.sh., shqyrtim kolegjial, sektori i kontrollit të cilësisë, pyetësorë për tatimpaguesit). Paralele me burimet njerëzore do të aplikohet mundësia e kontrollit me anë të mjeteve elektronike.
Sistemi ka përzgjedhur aktualisht 300 biznese të mëdha, të shpërndara në të gjithë rajonet e Shqipërisë, për të cilët do të zhvillohet analizë e detajuar në çdo hallkë të zinxhirit të krijimit të vlerës së shtuar, pra deri tek bizneset e vegjël fundorë.
Biznesët VIP janë në krye të piramidës tatimore. At sigurojnë më shumëse 60 pë qind të kontribtutit në tatime dhe taksa. Sistemet tatimore në të gjithë botën investohen në kontrollin e kësaj kategorie për shkak të rendimetit të lartë që ka lufta ndaj evazionit në këtë target grup.
