Deputeti i Levizjes Socialiste për Integrim Përparim Spahiu ka lëshuar akuza ndaj qeverisë për skemat e koncesioneve sidomos ato në shendetësi, të cilat sipas tij janë vetëm me qëllim përfitimi korruptiv me shuma të mëdha.
Ja shenimi i Spahiut në facebook:
Check- Up, Sterilizim!
Këto ishin, sipas qeverisë, emergjencat dhe prioritetet në sektorin e shëndetësisë, të mos harrojmë, “FALAS”.
Ndërkohë që për të parën janë paguar 84% më shumë nga taksat tona, ndërsa për sterilizimin janë paguar 6% të shpenzimeve spitalore, duke çuar burimet financiare për shëndetësinë në drejtime krejt dytësore.
Kujtojmë që për çdo aksident në Bulqizë, si më e ekspozuara ndaj tyre, duhet të thërritet helikopteri, pasi mungon tërësisht shërbimi i urgjencës.
Qartazi që skemat e Konçensioneve dhe PPP-ve ishin dhe janë gjetje të kësaj Qeverie vetëm me një qëllim, përfitimi korruptiv, në shuma të mëdha,nga paratë e buxhetit, në shumë raste dhe me miratimin e shumicës në Parlament.
Për Ta, skema e tenderimit dhe garës quhet e vjetëruar dhe penguese per realizimin e projektit të madh “Rilindja”.
