Presidenti i Romës, Xhejms Palota, as që ka ndërmend të dorëzohet dhe konfirmon seriozisht se mund të denoncojë Barcelonën, për ndërhyrjen që bëri në tratativën me Malkom. “Barcelona ndërhyri në mënyrë pak etike në çështjen ‘Malkom’. Na kanë kërkuar falje, por unë nuk do i pranoj ato. Ah po, do të zbutesha, vetëm në shesin Mesin…
Ajo që neve na u bë nuk ishte e drejtë, sepse kishim gjithçka të mbyllur, madje një kontratë edhe me klauzolë largimi prej 120 milionë eurosh. Kemi videot, mesazhet dhe gjithçka ku konfirmohet akordi verbal mes nesh. Në mëngjes Monçi ishte në videokonferencë me menaxherin e lojtarit, ishte gjithçka e mbyllur, donte të vinte te ne. Por, ndoshta menaxheri i Malkomit është i luajtur mendsh. Kemi provat ligjore dhe Bordo do të ftohet të dëshmojë. Nuk do të jetë një gjyq ligjor, por një denoncim moral dhe etik, pasi meritojmë respekt si klub”
