Ardi Veliu me detyrë drejtor i përgjithshëm i policisë pritet të jetë i pari zyrtar i uniformave blu që do të kalojë në procesin e Vettingut në polici.
Veliu ka deklaruar një pasuri bruto prej 124,203 euro ku 80 mijë prej të cilave janë detyrime të pashlyera si borxh ndaj një kompanie ndërtimi apo kredi bankare për një apartament.
Në vitin 2017 kohë në të cilën Ardi Veliu mbante detyrën e drejtorit të policisë së Tiranës bleu një apartament prej 221 metrash katrorë në një nga zonat më të lakmuara të kryeqytetit, bëhet fjalë për një ndërtim në zonën e Farkës.
Për blerjen e apartamentit Veliu ka deklaruar se ka marrë një kredi prej 38 500 euro (5 milion lekë) ndërsa pjesën tjetër prej 41,803 euro e ka deklaruar si borxh ndaj firmës së ndërtimit, të cilin do e shlyejë sipas afateve të përcaktuara në kontratë , të cilat nuk bëhen me dije.
Bashkëshortët Veliu kanë deklaruar depozita bankare në vlerën e 44,500 eurove.
Ardi Veliu deklaron të ardhura vjetore nga paga për vitin 2017 në shumën e 1,516,503 lekë (11,850 euro).
Bashkëshortja e tij M. Veliu deklaron të ardhura si personel akademik në Universitetin “Ismail Qemali” Vlorë në shumën prej 90,831 lekë (710 euro) ndërsa si personel akademik në Universitetin Shtetëror të Tiranës në shumën e 1,060,758 (8,287 euro) Ndërsa ka deklaruar gjithashtu të ardhura në shumën e 100,000 lekëve (781 euro) lekëve nga shitja e aksioneve të një biznesi tek një person privat.
LLogari bankare:
Depozitë bankarë BKT 5700 euro
Depozitë Bankare Credins 5000 euro
Depozitë bashkëshortja Intesa 6300 euro
Depozitë bashkëshortja BKT 27500 euro
Prona të paluajtshme:
Apartament 221 metra katrorë Farkë 79703 euro
Detyrime:
Kredi bankare 38500 euro
Borxhi ndaj firmës ndërtuese 41803 euro
Klikoni këtu për të shkarkuar skedën e personalizuar të pasurisë së përllogaritur të Ardi Veliut
Sipas ligjit të miratuar në Kuvend kriteret e Vetting bazohen në vlerësimin e figurës, pasurive dhe profesionalizmit të punonjësve të Policisë së Shtetit
Për sa i përket pasurive do të jenë objekt verifikimi:
Pasuritë e paluajtshme dhe të luajtshme, në pronësi, posedim apo përdorim; Të ardhurat dhe burimet e tyre; Hyrje – dalje jashtë shtetit; Pagesa për arsim dhe formim profesional të fëmijëve dhe familjarëve
Për sa i përket profesionalizmit do të jenë objekt verifikimi:
Vlerësimet e punës; Dokumentet e prodhuara; Procedimet disiplinore; Analiza, vlerësime specifike apo plane masash; Testim akademik.
/Sosnews.al/
