Vajza e presidentit amerikan, Donald Trump, Ivanka Trump, ka vendosur të mbyllë brendin e saj të modës. Trump ka nisur brendin e saj në vitin 2014, por pas zgjedhjes së babait të saj president, thuhet se është përballur me bojkot nga blerësit.
Një zëdhënës i kompanisë tha se vendimi “nuk ka të bëjë fare me performancën e brendit dhe bazohet vetëm në vendimin e Ivankës për të qëndruar në Uashington”.
Ndërkohë kanë kaluar 17 muaj nga detyra e saj në Shtëpinë e Bardhë, ku Ivanka thekson se nuk e di kur apo nëse do të kthehet ndonjëherë më në biznes.
Dy shitës të mëdhenj – Nordstrom dhe Hudson’s Bay – e kanë hequr brendin Ivanka Trump nga qarkullimi, duke përmendur shitjet e dobëta. Kompania e zonjës Trump është private dhe nuk nxjerr shifra të shitjeve.
