Presidenti i Federatës Argjentinase të Futbollit (AFA), Klaudio Tapia, ka thënë se Lionel Mesi është shumë i rëndësishëm për Kombëtaren.
Ylli i Barcelonës nuk ka thënë ende asnjë fjalë që pas eliminimit nga Botërori.
Ndërkohë nga deklaratat e Tapias duket sikur ai e ka hallin te paratë.
“Emocionalisht, kjo goditje duhet të ketë qenë shumë e vështirë për të, por Argjentina ka nevojë për atë. Nga pikëpamja financiare, Messi është shumë i rëndësishëm për AFA-n. Mendoj se Messi do të vazhdojë, ne kemi shumë besim tek ai”, tha Klaudio Tapia.
Ndërsa në lidhje me marrëdhënien me Mesin ai u shpreh: “Ne kemi një marrëdhënie të mire. Ai është në pushime dhe duke shijuar gjithçka me familjen e tij, nuk kemi folur fare rreth Kupës së Botës, duhet ta lëmë atë vetëm, le të mbledhë mendimet, të fillojë sezonin në Spanjë dhe të shohim se çfarë do të ndodhë vitin e ardhshëm”.