Jamie Vardy ka pranuar akuzat e Federatës Angleze të Futbollit për sjelle të gabuar, pasi u nxor me karton të kuq në ndeshjen e së dielës së kaluar kundër West Ham. Vardy mori kartonin e dytë të verdhë në minutën e dhjetë të pjesës së dytë pasi u hodh në zonën kundërshtare dhe gjyqtari e ndëshkoi simulimin e tij me karton të verdhë.
Protesta e Vardy ndaj gjyqtarit Moss ishte aq e ashpër sa e detyroi këtë të fundit të reklamonte sjelljen e sulmuesit në protokollin e ndeshjes. Jamie Vardy mori kartonin e dytë të verdhë për simulim Sulmuesi i Leicester City do të mungojë në ndeshjen ndaj Swansea për shkak skualifikimi dhe është thuajse e sigurt se do të dënohet edhe për ndeshjen tjetër ndaj Manchester United.
Vardy kishte të drejtën të dëshmonte gjatë ditës së sotme për atë që ndodhi, por lojtari është pajtuar me akuzën dhe Federata Angleze e Futbollit do të jap nesër vendimin. Më i ashpëri mund të jetë në skualifikim tre javor, si ndodhi me Diego Costa të Chelsea, për të njëjtën situatë. Jamie Vardy mund të skualifikohet për dy ose tre ndeshje Vardy nuk ka kundërshtuar edhe një gjobë të mundshme prej 20 mijë paundës, vetëm me synimin për të zbutur javët e skualifikimit. Kur mbeten edhe katër ndeshje nga fundi i Premier League, Leicester City ka pesë pikë më shumë se Tottenham i vendit të dytë dhe Vardy është golashënuesi më i mirë i skuadrës së drejtuar nga Claudio Ranieri me 24 gola.
